عين دابش أجمل موال يتغنى ويخطر عالبال
هالضيعة الفيها ربينا
وركضنا بهالتلال
كيف بدي خبي شوقي
بقفة ،بخيشة ،أوبشوال
شو حلوة هيدي الكلمات
بقلبي معباها بسلال
بتذكر يا أبو عزيز قديش
قعدنا بأرض الغبيط
انت تركض بهالنهر
وأنا أصلي هالغربال
السمك كبير صغير نشيل
شغلة أحلى من الخيال
ما أحلى سرقة هاللوز
بعد المغرب قبل الليل
وان شافتنا لطيفة
هريبة بكل الأحوال
بسط وفرح كبير كتير
هيدي الضيعة يا هالخال
وعين دابش أجمل موال
يتغنى ويخطر عالبال
