إلى حبيبتي
قلبي اللي حبك وناطر من سنين
ناطر ع بابك يسمع الكلمة
ومن حدّ منّو يمرقو الحلوين
ويتغامزو عليه شو مسكين
وما يشوف غيرك شي بنت حلوة
.....
وبكل يوم تزيد دقاتو
وما يدوق غير الوجع والتنهيد
وبكل وقت يقعد يصلي
تا تكبري يا حلوتي وتتحلي
خايف لحبك بهالقلب يفيض
ومن قبل ما تكبري يبوح كلماتو
.....
وشو كنت إسأل هالعصافير
عنك ووديلك الأشواق
ويرندحو دقات قلب صغير
ويمرقو من حد هالشباك
ولم تسألي العصفور مين ودّاك
يخجل من عيونك .. يستحي ويطير
.....
شفتك يا فدوى بكل آيات الجمال
وبصورتك زينت حيطان الزمن
كتبت العشق موال وحكايات
غناني وقصايد عشق وروايات
وقلبي لغيرك يوم لا ما مال
إلا لغمزة خد مليانة فتن
.....
(غمّازة ال عالخد ما إلها اسم )
غمازة ال عالخد هيي الاسم
اختصرت معاني الكون وزهور الدني
سبحان ربّي ال كوّنك بهالرسم
وبغمازتين صغار هاللوحة ختم
وقلّي يا ابني روح ب رسمي اعتني
.....
بس تضحكي بيقطر من شفافك عسل
بس تزعلي بيهرب من عيونك درر
ولمن بتحكي الصوت من تمّك صلا
بتتنفسي البخور بيعبي الملا
بتتطلعي .. بيهبط وحي .. بكتب غزل
وبكل غمزة يطير من وجهك قمر
.....
بوجهك أنا عم شوف أحلى نهار
شعرك ليالي الحب والنهدات
بلمستك بنسى شو بدي قول
وبصير صلّي تا تطول تطول
وان مرّت النسمة بشعرك أنا شو بغار
ما بريد غير بإيدي... غنّج الخصلات.
.....
بحبّك ...
ما بعرف غير هالكلمة.
قلبي اللي حبك وناطر من سنين
ناطر ع بابك يسمع الكلمة
ومن حدّ منّو يمرقو الحلوين
ويتغامزو عليه شو مسكين
وما يشوف غيرك شي بنت حلوة
.....
وبكل يوم تزيد دقاتو
وما يدوق غير الوجع والتنهيد
وبكل وقت يقعد يصلي
تا تكبري يا حلوتي وتتحلي
خايف لحبك بهالقلب يفيض
ومن قبل ما تكبري يبوح كلماتو
.....
وشو كنت إسأل هالعصافير
عنك ووديلك الأشواق
ويرندحو دقات قلب صغير
ويمرقو من حد هالشباك
ولم تسألي العصفور مين ودّاك
يخجل من عيونك .. يستحي ويطير
.....
شفتك يا فدوى بكل آيات الجمال
وبصورتك زينت حيطان الزمن
كتبت العشق موال وحكايات
غناني وقصايد عشق وروايات
وقلبي لغيرك يوم لا ما مال
إلا لغمزة خد مليانة فتن
.....
(غمّازة ال عالخد ما إلها اسم )
غمازة ال عالخد هيي الاسم
اختصرت معاني الكون وزهور الدني
سبحان ربّي ال كوّنك بهالرسم
وبغمازتين صغار هاللوحة ختم
وقلّي يا ابني روح ب رسمي اعتني
.....
بس تضحكي بيقطر من شفافك عسل
بس تزعلي بيهرب من عيونك درر
ولمن بتحكي الصوت من تمّك صلا
بتتنفسي البخور بيعبي الملا
بتتطلعي .. بيهبط وحي .. بكتب غزل
وبكل غمزة يطير من وجهك قمر
.....
بوجهك أنا عم شوف أحلى نهار
شعرك ليالي الحب والنهدات
بلمستك بنسى شو بدي قول
وبصير صلّي تا تطول تطول
وان مرّت النسمة بشعرك أنا شو بغار
ما بريد غير بإيدي... غنّج الخصلات.
.....
بحبّك ...
ما بعرف غير هالكلمة.
