وين راح ..بدي بوسو ..!!!!!!

بابا وين رايح ...

بابا .. ( حدني ) خدني معك ...

أنا بحبك ....

جبلي معك عصير ..... بدي حصان ..بدي كبوتر ..(كمبيوتر)

بابا ركبني ع الموتور ..

لا تحبا للماما لأنا ضربتني ..

بابا أنا بسمع الكلمة ..

بابا حطلي أغاني ع الموبايل ..

بابا تعا نلعب توت توت ..

طيب أنا بتحبا (بتخبا ) وأنت دور عليّ ..

بابا جبلي بطيح (بطيخ ) ..مو أنت ألتلي بس يجي الصيف .. بابا وينو الصيف ..؟

بابا ليش زعلان ...؟

أنت زعلان مني شي ..؟

باب مين ضربك ..؟

ماما ليش بابا زعلان ...

بابا حدني (خدني ) لعند لولو وعلي ...

بابا أنا ليوم ما عذبت تيتا ...

ماما أليلو للبابا أنا عذبت تيتا شي ؟..

بابا أنا ليوم بدي نام عندك ..

بابا عطيني حمسه ( خمسة )..

بدي اشتري سميري ..

وبطاطا ... وبسكوتي ..وبوظا وكلن كلن ..

بابا بدن يجو لعندك رفآتك ...

بتحليني ( بتخليني ) فوت لعندك ..

بابا حاج تبوسني .. دأنك بتشوك ..

بابا أنت تحممت ؟.... حليني (خليني ) شم شعرك ....

يااااااااخ ما أحلاه .....نعيما ..

أنا بس أتحمم ما ببكي ..

بابا بعدلك الأرقام ..؟.. يالله ..

ون ..توم.. ثرين ..فور ..

فايف ..اكس ..فيفن ..إيت ..نااااين ..

تنننننننننننن . ..

بابا ما بدي نام يا الله ماني نعسانه ..

بكرة بس يصير ضو بتاحدني ( بتاخدني ) معك ..؟

بس صير كبيري متلك بدي دحّن (دخّن ) وأشرب أركيلي ..أيي..؟

بابا أنا ما بشرب أهوي ..وما بشرب متة ..

أنا بشرب عصير وحليب وشاي ...

أنا ما باكل بزر ...عيب ..

لأنو أنا صغيري ..

أنا باكل بس ستؤ..(فستق )

بابا وينك .......

ماما وين راح بابا ...

وااااااااااااااااااا اااع واااااااااع ...

وين راح ..بدي بوسو ..........!!!!!!

اي والله كتير بتحب بيك يا موسى

لذيذة